Ockelbo kommun

	Ockelbo kommun
	kommune
	Kommunevåpen
	Kommunevåpen
Land	Sverige
Len	Gävleborgs län
Landskap	Gästrikland
Del av	Gästrikland, Q61663270, Q61663219, Hälsingland
Centralort	Ockelbo
Areal	1 070 km²
Folketal	5 980
Folketettleik	5,6 / km²
	; Ockelbo kommun; 60°53′00″N 16°43′00″E / 60.883333333333°N 16.716666666667°E
	Kart som viser Ockelbo kommun. Kart som viser Ockelbo kommun.
	Wikimedia Commons: Ockelbo Municipality
	Nettstad: www.ockelbo.se

Ockelbo kommun er ein kommune i Gävleborgs län i Sverige. Kommunen grensar i Gävleborgs län til Bollnäs kommun i nordvest, Söderhamns kommun i nordaust, Gävle kommun i aust og Sandvikens kommun i sør. I tillegg grensar han til Falu kommun i Dalarnas län i vest. Administrasjonssenteret i kommunen er Ockelbo. Dette ligg om lag 30 km nordvest for Gävle.

Ockelbo har lange tradisjonar for jernindustri, noko næringslivet i kommunen i dag framleis er prega av. Administrasjonssenteret Ockelbo har ein del mindre og mellomstore industriføretak.

Administrativ historikk

Ockelbo landskommun, som ikkje vart påverka i kommunereforma i 1952, vart i 1971 slegen saman med Lingbo församling, som kom frå den då oppløyste Skogs landskommun, og dermed var Ockelbo kommun oppretta.

Kommunevåpenet

Blasonering: Eit skjold som loddrett er delt av grantre. På den venstre delen, tre loddrett oppstilte, grøne ringar på sølvbakgrunn, og på den høgre delen, ein loddrett oppstilt smedhammar i sølv på grøn bakgrunn.^[1]

Hammaren symboliserer jernhandtering, grantrea skogsbruk og ringane dei (då) tre forsamlingane i kommunen. Våpenet vart registrert i Patent- och registreringsverket i 1985. Femten år seinare vart dei tre forsamlingane slegne saman til Ockelbo församling, men det er framleis tre ringar i kommunevåpenet.

Tettstader

Det er fire tettstader i Ockelbo kommun.

Tettstadene i tabellen er ordna etter innbyggjartal per 31. desember 2005. Administrasjonssenteret er utheva.

Nr.	Tettstad	Folketal
1.	Ockelbo	2 709
2.	Lingbo	421
3.	Åmot	306
4.	Jädraås	243

Kjelder

«Ockelbo kommun» på Wikipedia på svensk.
«Ockelbo» på Store Norske Leksikon.

Fotnote

↑ «Sköld genom granskura kluven i silver, vari tre stolpvis ställda gröna ringar, och grönt, vari en stolpvis ställd smideshammare i silver».

[1] «Sköld genom granskura kluven i silver, vari tre stolpvis ställda gröna ringar, och grönt, vari en stolpvis ställd smideshammare i silver».

[1]